ekonomikaren epeltasun goria;
bakterioak akabatzeko esnea irakin,
horretarako dagoen lapiko gorrian,
eta borborka hasi,
eta esnegainak gainezka egin,
ay la leche!
Hori genuen eguneroko errituala,
institutura bidea hartu aurretik,
nerabe ginen garaitan.
Mariano Ferrer aspaldi zendu zen ordea,
esnea tetrabriketan dator orain,
behiarena, edo auskalo zerena;
gurasoek ez dute esnerik irakiten,
gazteek ez dute gosaltzen,
Eroskira doaz atsedenaldian,
plastikoan bilduriko
opil prozesatuen bila,
eta sakelekoek eskainitako
musika entzuten dute,
haririk gabeko entzungailuetan.
Jada ez da debaterik,
ez leku komunik,
ez gosari konpartiturik,
ez eta esne errerik.
Egun beste zerbait da,
okerragoa? Ez
Hobea? Ezta ere
desberdina soilik.
Eta Uztapideren Lengoegunakgogoan aitzaki
memoria ariketa egin dut,
bizitzari erresilientzia aplikatzeko,
malenkoniatsu jarri aurretik
oroiminak aurrera egitea
oztopa ez diezadan,
eta topa dezadan geroagatik,
igarotako edozein garai
ez delako beti hobea izan.
iruzkinik ez:
Argitaratu iruzkina