Poema bat hautatu beste bat idazteko
hara irakasleak eskatutakoa
Eta hor dabil
ikasitako kantuen artean arakatzen
hori baita poesiaz dakien apurra
Liburutegira jo dezake, akaso
miatu poesia sailean
Behar du euskaraz, pentsatu du
izan dadila modernoa
poeta anderea ahal dela;
balio diezaiola barrua hustutzeko
nor den azaltzeko
nondik datorren gogoratzeko
Eta hautatu du Blas de Oteroren emigrantea
jatorria beharrezko baitu
bere burua definitzeko
Etxarteren espazioaren logikak eman dio
mundu honetan duen posizio politikoa
Irastortzaren frenatzeaz irakurriz
joandakoek utzi diotena
ekarri du gogora
Eta hala bildu ditu poemarako gaiak
Orain hitz egokiak aukeratu
eta haiek jostea
besterik ez du falta
iruzkinik ez:
Argitaratu iruzkina