Gaztelaniaz "Luz que agoniza" titulupean ezaguna, 1944ean zuzendu zuen George Cukor maixuak.
Berriro ikustean, egun hain ezaguna zaigun emakumeen aurkako bortizkeria etorri zait burura, kasu honetan psikologikoa. Zeren hori baita filma, thriller psikologiko bat. Paula bere senarraren biktima bihurtzen da, eromenera bultzatzen duelarik.
Charles Boyer, Ingrid Bergman eta Joseph Cotten dira antzezle nagusiak, tartean Angela Lansbury gazte batek dontzeila lotsagabe baten rola egiten duelarik. Guztiak bikain daude, eta Bergmani oskar saria eman zioten Paularen rolarengatik.
Suspense lan bikaina zinema klasikoa gustuko duenarentzat.
No comments:
Post a Comment